話說今日番工 10點零 有貨到
隔離個呀姐去左點貨 得我一個人係到收錢
有好多人排緊隊 我收緊果個買幾支野飲(唔記得太清楚)
我入緊膠袋,佢地吟緊錢
收完錢,俾左袋野佢地,跟住下一位
下一位拎住兩罐嘉士百king can(我估一年後都仲記得)
隻手拎住張100蚊拍台 話『手腳快d啦』
(聽到佢拍台有少少唔開心,但係都未至於興)
我鰐高頭望一望,佢又話『望咩望?識又係咁,唔識又係咁』
條氣即刻頂住 望一望都唔俾?禮貌黎架喎
大佬,你黎買野咋,d錢俾個老闆架咋,唔係俾我架
唔係出你糧俾我架 咁既態度?你打工俾人咁對待你又開唔開心?
我拿拿臨收完錢,找錢俾佢,佢都拎走左果兩罐啤酒
(廢事問佢洗唔洗膠袋,一陣又做多次出氣袋)
多謝都無講,叫下一位
呀姐一陣之後都番左黎,問我咩事
呀姐都話由佢,當聽唔到,呢d事經常發生
臨收工,去倒左桶水,咁我拎桶水出去坑渠倒啦
有一班人坐左係我方圓2.5米之外
我見有人,已經慢慢咁倒d水,廢事彈到人
點知有個呀叔話:細路 倒水入廁所啦
呀叔隔離果位呀叔都話,無所謂啦,又搞唔到你
大佬,隻坑渠咁闊,我又慢慢咁倒
d水去晒都未流到你到啦 落雨又唔見係廁所落?
算,我廢事同佢嘈,入左廁所倒
最興既係,我係廁所倒完,條友仲講緊
我都知出黎打工要受氣
(平時亦都有d客人飛d銀仔落張台度)(唔識形容,我既感覺係好似俾乞兒咁)
只不過今日兩連"大"彈有少少唔開心姐
[ 本帖最後由 夜乂風 於 9-6-2008 01:44 編輯 ] |