【原創機評】00機評第二彈--驅逐目標(大誤!?)--能天使

erictung

先0 GUNDAM的機評後，本人就因為返學，加上個人懶，冇心情去寫新機評，終於要到暑假，係冇野做(連SD都唔想ON住)的情況下，開始收拾心情去打機評啦，今次呢篇野會好短，因為呢部機的武裝唔係咁好，而且攻擊力好差，如果唔係00機評第二彈一定要寫佢我可能會唔寫(明明動畫好勁，模型又唔錯，但一到SD就弱曬)，呢部機係咩，正是能天。

機體介紹:

一開波就照舊來個介紹先，

天上人的第三世代鋼彈之一，於2307年首次登場。由於機體中央搭載的GN-Drive產生的GN粒子，得到了接近無限的能源和令人驚異的高性能。同時散佈在外的GN粒子能夠妨礙電波傳遞，造成通信障礙以及使現存的雷達系統完全無效化等各種效果。可以使用光束武器，導入了很多和現有的MS相比有飛躍性突破的革新技術。

能天使鋼彈是以格鬥戰為主的機體，裝備在機體各處的七把劍稱為「七劍（Seven Sword）」，可根據不同任務或狀況時使用。而能天使鋼彈的開發代號也是「七劍」。

能天使鋼彈擁有其他三台同為第三世代鋼彈所沒有的實體劍，這是為了應對鋼彈對鋼彈的戰鬥，實體劍能夠穿透GN力場[1]，一般光束武器均難以做到。

§ 名稱由來

名稱源自於九大天使階級之一的「能天使（Exusiai）」。

(轉自維基)

本人的能天(左為MG初回特典版本，右為HG會場限定)

六圍介紹:

不得不配服設計人員，個六圍真係幾忠於原著，有著高機動及速度，但就薄甲(可以理解的，因為要實現高速及高機動(仲要做出大幅度動作)而要將部分裝甲刪除，而其他就削薄，不過那低攻是甚麼回事，見人地係GWORLDS用呢部打，打人好痛，但係呢度就變到咁低攻。

武裝介紹:

一號武器:GN劍I(劍模式)

五刀倒地，無附加效果(同普通拳機一樣)，出刀都算順(見仁見智啦)，係第五刀收刀有D慢(要轉一個圈後先打人)，刀身算長，但唔好同劍西個D砍艦刀比，長度大概係同黑西一樣，係菜刀級別啦，唔怕刀短會砍唔中，可以玩到甩刀同MCA，而且砍的範圍算大，不過有個問題，就係機體本身低攻，輸出力不好，但有技一同技二加持下就可以補番。

二號武器:GN劍I(槍模式)

一下一發，殘彈有9發，每4秒充填一發，出槍有點慢(迷之聲:拳機開槍係咁啦，佢俾把槍你算好啦)，光束武器，可以用黎打有PS甲機體，但缺點都好多，首先彈少，而且裝填時間慢，容易彈切，而且機體低攻，攻擊力變到水槍咁，就算有技二加持，個攻擊力都係低。

三號武器:GN光束短劍

一下一發，殘彈有一發，射一發後立即裝填，需時6-7秒，有減速效果，實彈武器，可以用黎打有抗光的機體，但缺點又係好多，殘彈少，得一發，裝填時間長，飛行速度慢，加上部機又低攻，打人變左冇力咁，而且減速效果唔明顯(好像劍西的回力鏢咁，打人用但人地中左就好像冇減速咁)。

武器總結:

武器令機體可以應付有PS甲及抗光機體(無誤，但你可能要死10次先殺得死)，而且刀長，可以玩甩刀同MCA，但唔好以為佢個武裝好掂就去打大機或單刀，因為佢缺點都唔少，首先彈少，二武得9發，三武得一發，而且裝填速度慢，都幾容易彈切;最重要係，部機天生低攻，令二武同三武變到好似水槍咁，打人就好似抓癢咁，就算有技二幫助，輸出都好似冇大到咁，而刀雖然長，但同劍西個D砍艦刀比簡直就係蚊同象比(最重要冇爆地效果)，加上輸出低(低攻)，要有技一同技二一齊加持先話有些少效果，所以一句講曬，武裝好雞肋(我講的是事實，唔好打我)。

技能介紹:

	技能一鋼彈格鬥術
近戰攻擊時追加傷害25%（爆發幾率低25%）。
	技能二能天使(Exia)鋼彈
hp60%以下機體傷害增加，機動力和推進力上升

評語:

技一的確令一武有額外傷害，而且係滿血技，夠SP就開到，睇落去雖然唔錯，但係機率唔高，5刀中只有兩三下有(有時可能得一下)，佢又沒有格鬥連技(如果裝落劍西度都話好，一、三連技個輸出不知幾大)，用得上又係得一武，但一武低攻，有都係補番少少傷害，輸出仲未去到一般A機的輸出，仲有個技能會唔會太省G了(這技能可以在購物中心買到，自己買都得，一係就同我改高爆傷個機率啦)。

技二令機體的機動及速度再次提升，開左後飛行、步行及反應速度都好快(真係變成紅色、有角、三倍速，絕對無誤)，而且加攻擊力，的確對好雞肋的二,三武有點幫助，而一武係兩個技能下終於可以有高傷害(要兩個技能同時發動先見到正常A機的傷害)，玩甩刀都順好多，但係要60%血先發動，對於薄血的能天來說，一開都可以說是死期將至了，而且加左攻都唔覺二武同三武的輸出有増加(因為本來就好雞肋)，但總括黎講個技能其實唔錯，只係部機攻擊力太低，加上射擊武器似水槍一樣，有技能加持都唔覺有效果咁。

打法及加點:

打法都係同拳機差唔多，不過由於2,3武雞肋，所以要多配合一武使用，如4刀後轉二或三武攻擊(因為第五刀收刀同出刀好慢)，或者先用2、3武攻擊，再近接用刀砍，如果有技一同技二，都可以扣到7成血。加點方面，特裝點可以點速或敏，令機體行動再快點(開了技二後更快)，或者可以點攻，OC點就全攻啦，始終攻擊力太低，加曬都唔可以叫會打到人地好痛(但夠輸出)。

技能插卡:

由於有技一，所以就不需要插多一張格鬥術入去(就算插左落去，個機率同爆傷係冇變)，建議加底力發動入去，始終未OC下的攻擊力好低，集SP開技都成問題(用刀的話唔計)，加左後，除左少許加攻擊力外，對於SP收集都有點幫助，而且用一武時，所釋出的傷害都好驚人，而緊急整備及NT覺醒都唔錯。

合成:

SORRY，呢部機係冇得合的，只可以係39號及51號機抽，每次1萬3個G以上，但機率都唔係好好，本人要十抽先中一部，當想抽多部去合TYPE-D時，更加係抽到破產都唔中，最後要將部特一能天祭俾TYPE-D(但德天就中三次，同金剛版主唔同，佢抽德天抽到喊，我就抽能天抽到喊)，而呢部野可以合的機反而好多，有TPYE-E(KEY)、00(KEY)、TPYE-D、智天、熾天及墮天，總共係兩部機的KEY機，4部機的料，換言之，你最少要有4部能天先合到以上的機體。

影片:

今次唔拍啦，因為我用拳好廢，分分鐘送分俾人，要去睇片就到戰紀睇啦。俾埋條LINK俾你地http://olgame.gamedb.com.tw/sds/robot_detail.php?id=22009&inq=-1&ip2=15

總評:

呢部機真係唔適合用拳機悲劇的人士及新手用，因為大多要上前做近攻多，但低防令佢好易變炮灰，高手雖然可以用(但咁多實用機，唔駛用佢呀)，呢部機真係炮灰機同材料機命。

今次寫呢篇野真係好悲劇，就完成個時偏偏個網頁HAND左，成份野當場冇曬，搞到我要重做，原本星期日就卒到上黎，結果就要今日先得，而且彈多讚少，真係希望官方改勁佢，下次會寫力天機評，希望唔會太悲劇啦。最後都係呢句

你們回帖是我發帖的動力，不回帖者永世抽唔中想要的機體

我寫過的機評:

[原創機評][偽]EW系列最後一擊 - 永遠的回歸 飛翼零式(EW)

[原創機評]00機評第一彈-進行首次武力介入的機體-0 GUNDAM機評

請版主通融下，俾我放係度幾日(因為精華區少人入)

ergmm579

搶頭香(?)
好長WO

erictung

回復 2# ergmm579


    但真係好HEA咁打

DoraemonEX

合成:

SORRY，呢部機係冇得合的，只可以係39號及51號機抽，每次1萬3個G以上，但機率都唔係好好，本人要十抽先中一部，當想抽多部去合TYPE-D時，更加係抽到破產都唔中，最後要將部特一能天祭俾TYPE-D(但德天就中三次，同金剛版主唔同，佢抽德天抽到喊，我就抽能天抽到喊)，而呢部野可以合的機反而好多，有TPYE-E(KEY)、00(KEY)、TPYE-D、智天、熾天及墮天，總共係兩部機的KEY機，4部機的料，換言之，你最少要有5部能天先合到以上的機體。
........................................................................................................................................

4部就夠....KEY機合左00 T-E再祭部強1

tam1998919

唔短wow
支持~_~

johnhihi

能天真係幾雞肋
血太薄

〝Kira﹏＊

回復 6# johnhihi


    但攻擊ok高,特意來支持樓主的

1943254633

勁wow 5錯

1943254633

但攻擊ok高,特意來支持樓主的

小-傑

樓主好有心機!支持!!