o,o.........(加左畫?)

hyuuga

妳有咩科係特別鐘意？或者有無志願？
選科時唔好揀 D 當時好景，不過就唔係妳鐘意既野，因為我有朋友當年讀computer sciences，點知讀完出黎就係死哩樣，"side"哂 D 時間。
何況，唔鐘意既科，好難讀得好的。所以要諗清楚。
我識好多人(諗落真係多數都係女仔，非歧視)，揀科時就係揀科諗住係易既讀，點知最後就真係哂時間喇！

之前我兩點幾am都見妳 online，諗住妳同我應該會係同一個 time zone或者差一個鐘 jar！
咁係我十二點幾一點倒回 post，我咪以為妳未放學囉！

hyuuga

裝衣？裝修？製衣？
借問妳阿哥做咩設計？

講真，有邊行唔辛苦？
唔駛點做既工做落就知悶到會好難頂，會情願做份要做野既工。
而且行行都要挨下先架啦！莫非想一步登天咩！雖然確係有人可以，不過 N 萬人都未必有一個呀！
雖然妳屬於該年齡層，不過千其唔好有妳哩代既哩個通病。
有興趣既科因為鐘意，所以易入腦，比起好多人話易，不過全無興趣既科，一定易入腦好多。

妳 MSN 我點會睇到？當然係哩度啦！

如果唔係為減肥哩類無聊原因而唔飲汽水既話，妳算好野。
畀個叻妳！

完全無留意妳加左野。
個茶壺 OK 咁喎！
不過個樣果個嘴痴得夠唔夠穩咁睇就睇唔出啦！
燒完之後再上色燒多次既話，佢一定會係滑的，所以依家滑唔滑都無咩分別，特別係用高溫火既話。
上色既話注意一樣野。最底既位置係唔可以上色既，因為燒時會溶，到想拎出黎時就會痴住個爐。
近底既位就上薄D色，計得好既話，燒既時候 D 色就會因為溶而向下流，可以盡量去到最接近個底既位置。

hyuuga

7-11既公仔係點，講真，我唔知，因為我唔係香港，少返去。
咩通病呀？大概如下：
唔肯挨，不過要好人工；
教佢點做會下下話OK，其實唔識唔明，不過又要扮到咩到識；
無責任心、無交帶，搞到要人地執佢既爛攤子，不過佢會覺得係應份，連sorry 、唔該都唔會有句。
再簡化咁講就係鐘意走精面，唔肯腳踏實地。
雖然唔係每個都係咁，不過真係好似越黎越多咁既人呢！
無人會想花十年去浸，當然OK啦！
唔奇呀！我都唔飲咖啡既。
妳既朋友再大D會唔會飲就唔知，因為咖啡係一種所謂「大人既味道」，我諗無乜邊個會係由細飲到大掛！
以妳既年紀而唔飲汽水既，真係好少有，講真既話係幾奇的，至少我未聽過。
我都無飲汽水好耐，不過我同人講親話我戒左，D人真係100%好出奇的，我重大過妳一節喎！
咦！
燒完第一次先會起沙咁，果時先可以磨格？唔係話未燒既咩？
唔會係因為睇完我打左 D 乜而搞到心情唔好掛？係既我講對唔住先 arm。

hyuuga

哩 set Hello Kitty 我意外地係電腦到睇香港節目時見過。
我一直以為哩 D 公仔會係版權人同7-11合作，公仔由版權人果邊負責，7-11只負責推廣同賣的。
係香港做哩類設計大概有幾多人工？
唔方便人人都睇到既話，可以pm話我知嗎？

我唔怕挨，希望人工可以 cover 到我既必需開資，老細會比機會，同埋想做到我想做既野。
唔明會再問清楚係正確的。不過我係公司就親身都見過一位小姐，教佢時乜都無問題，重寫哂 notes，不過就日日錯同樣野，佢阿頭就要日日 repeat 再 repeat 咁教佢，重搞到日日要留夜幫佢執同樣既手尾。最後頂唔順，炒左哩位女士喇！
咖啡分好多種，齋咖果 D 當然苦啦！有 D 係唔苦的。
吳君如話佢個女唔鐘意汽水，咁樣算唔算？
大概比妳所想既重要大，位置就係不知所謂既美國西岸。
就係未燒就磨先至怪。因為燒完應該點都唔會滑的，會變成白忙一場。
不過我 N 年前學完陶瓷之後就無機會再做過(邊可能會有爐？)，唔知我會唔會記錯呢！
妳學校堂 Art 都好多唔同野玩，很好嗎！如果唔駛自己點出錢買各樣工具既話，就真係無得頂了！

幅 spoon 照果個唔係妳本人吧？
如果要我對住一幅咁既角度既相黎畫畫既話，我唔爆粗算好修養。

hyuuga

最印象深刻既，咪就係幾年前果 set Snoopy 囉！
被人炒到好貴。
8萬定萬8呀？80,000 好高人工喎！

飲既係咪濃到黑哂既茶呀？
奶茶唔覺苦喇掛？
妳唔知自己係阿拿大既東邊、西邊定中間？唔係掛？
顏料果 D 先貴到妳唔信。
學校包既話，應該只可以係學校到畫吧？定係每人有一 set 果隻？
妳寫係係網上搵，諗住唔係妳 Tim！而且同妳頭像完全唔似同一個人黎。
問題：時下 D 女仔好興拎高部相機，由上向下影自己個大頭，即係所謂既港女自拍角度，乜咁樣既角度靚咩？
就係因為透視既原理，會影到眼大下巴尖，所以覺得好睇？
個人覺得，角度無意義得黎，完全捕捉唔到被拍者既真面目，重要影既完全唔理光既問題，一律變到好怪咁。
妳頭像果幅順眼好多。
頭像果幅睇得出係個少女，畫果幅頂多只係一個十二、三歲既「口靚」妹仔。
唔係難唔難畫，係極唔鐘意哩種角度姐！

hyuuga

妳兄長好高人工呢！
收得咁高人工，責任自然大架啦！
佢做左哩行幾耐？

匙羹既倒影姐！咩角度都得，唔一定要由上向下，或由下向上嘛！再唔係唔好正面望。
當然，只係我個人唔欣賞哩種無特別原因而用哩種角度既自拍照姐！

hyuuga

re.hyuuga
係啊...佢一出黎做就成4萬啦好似-,-
佢做左應該有10年有多= =但就轉過2-3間公司

問題係= =我拎住隻spoon 畫唔到嘛囧
由下而上= =影鼻哥窿咩

re.傻佬囧
點會唔記得你啊.我覺得係你唔記得我先xd
唔係讀art ...
Janelle`:3 發表於 7-12-2009 20:50

係香港居然可以一出黎做 design 就有四萬，真係估唔到呢！   
妳兄長會唔會知道係香港做動畫既有幾多人工？

妳阿哥大妳咁多，無其他兄第姐妹既話，係屋企實係小公主啦？

無叫妳由下向上呀。無意義既唔好用上向下或下向上既角度姐！

一路同妳傾，一路幫妳個 post updated，幫妳搵番唔少舊朋友咁呢！

hyuuga

識人比本身能力更重要呢！
唔係話妳阿哥係，不過確實有好多能力唔係話高既人，因為識人而得到份好工，相反好多有一定能力既人，因為唔識人，所以好難搵到份好工。

我讀完 3D animation 的。
如果香港既人工 cover 到我個student loan 同必需既支出既話，我有諗過返去的。
不過連專門搵各行各業係唔同國家地區既網都搵唔到香港做 3D animator 會有幾多人工，所以一直都 hold 住左。
方便既幫我問問。
講到好似家庭問題咁。
嚴都有好多公主的。
妳應該無學過攝影、動漫畫、電影等等既哩類科目吧？
畫畫有喇掛？構圖時都會諗下用個咩 perspective 黎表達幅圖吧？
果隻自拍角度係完全表達唔到任何野加好失真囉！

hyuuga

係香港，起身點有2萬都好難得啦！

3D 既動畫應該好常見吧？
就算唔計 3D 動畫，大把game、電視、電影等等都有好多 3D 動畫係入面。
2D、3D都好，整得唔好都係好差的！
雖然我學既係3D animation(當然係要先學2D為基礎啦！)，不過我其實都係鐘意2D動畫的。
錫妳又駛乜怕？
如果可以既話，聖誕前問下佢知唔知。Thank you 定先。
大把嚴既父母教出公主啦！嚴都有分好多種架嘛！

唔知妳住係加拿大邊到。不過就算講左我都係唔知阿拿大既東南西北。
如果妳住得近溫哥華既話，有機會既去現場欣賞下黎緊冬季奧運既雙人花樣滑冰。
花樣滑冰界既傳奇組合，中國既申雪同趙宏博既演出真係令人歎為觀止架！

hyuuga

係囉-,-個陣仲要好似係97年(?)
哦-,-你講animation我就好易諗左去日本動畫-..-
除左日本動畫個種3D-.-其他方面我都覺得發展得唔錯
總覺得溝唔到通-,-....唔太敢同佢講野
如果我咁樣問佢: 我有個fd讀3D animation..係 ...
Janelle`:3 發表於 9-12-2009 18:14

咁問會唔會好 D？
「知唔知係香港做 3D動畫師既人工有幾多倒呀？」
「做咩咁問？對哩方面有興趣？」
「唔係~！識得人想回流返去，不過唔佢搵唔到哩方面既資料，諗起咪問下你囉！」.....

正正經經咁問應該無乜問題吧？
定係妳 record 唔好，真係亂咁係網上識人，所以佢地擔心呀？
公主除左嬌生慣養之外，重會係極自我，人人都欠佢咁，佢做乜都 arm等等等等。
多倫多嗎？不過我其實都唔知係係加拿大既邊一方。
另一個係法文名？
NY我只理解為 New York 喎！指 New York？